Грчки острови

Прекрасните песочни плажи, архитектурата во бела и сина боја, традиционалниот начин на живот, народната музика, гостопримливите домаќини и преубавите пејзажи го прават патувањето на Кикладите незаборавно.

Саронските острови се наоѓаат веднаш до Атина. Оваа група на острови се состои од осум мали островчиња. Патувањето со траект од пристаништето на Атина, Пиреа, до најблиските острови од овие осум на број,  трае не повеќе од 10 минути.

Декаденез е група од 12 големи острови ( грчки dodeka = 12)  и повеќе мали островчиња со кристално чиста вода, песочни плажи, археолошки наоѓалишта, импозантни византиски  и средновековни споменици и традиционални селца. Оваа група на острови се наоѓа на југоистокот на Егејот, кон Турското крајбрежје, кој е воедно најсончевиот дел на Грција. 

Во северниот дел на Егејот се наоѓа уште една мала група од 24 острови, Споради. Од овие 24 на број, само 4 се населени, а тоа се: Скијатос, Скопелос, Алонисос и Скирос. Густата вегетација и чистото сино море ги прават овие острови единствени. Страсните љубители на природните убавини се особени фасцинирани од познатата шума Кукунариес и езерото Сирофилиа.
На островот Алонисос живеат едни од најголемите фоки на светот наречени средоземни морски мечки. 
Барате мирен остров? Скопелос е дестинацијата за Вас! Овде може да ја пробате најубавата пита со сирење (tiropita). За љубителите на филмот  "Mamma Mia", овде се наоѓа неверојатната капела Agios Ioannis, каде во филмот се одржа свадбата.

На североистокот од Егејското море се наоѓаат неколку острови кои не се во група и тоа: Агиос Ефстратиос, Тасос, Икариа, Лесвос, Лимнос, Инусес, Самос, Самотраки, Хиос и Псара.

На јонското море постои само една група на острови позната по името Eftanisa (грчки efta - седум). Оваа група се состои од седум големи острови: Закинтос, Итака, Крф, Кефалонија, Лефкада, Пакси и Китира.
Умерената клима, длабока и поладна вода, бујната вегетација и богатото културно наследство ги прават Јонските острови идеално место за одмор и опуштање. 
Јонските острови се населени од палеолитско време и низ нив поминале многубројни освојувачки експедиции, па затоа и секој остров се одликува со различна култура. 

Уште еден остров кој не припаѓа на ниедна група, а е воедно најголем остров во Грција и петти по големина на целиот Медитеран, островот Крит.
 Поделен е на четири префектури, од запад кон исток: Ханиа, Ретимно, Хераклион и Ласити. 
Овде ќе се восхитувате на остатоците од бројните цивилизации, ќе посетите прекрасни плажи, импресивни планини, плодни долини, стрмни клисури и врвна гастрономија.
Крит е една мала планета преполна со убавина и богатства за кои еден живот е малку за да ги откриете.
 

Префектурата Евиа ( која го вклучува и островот Скиронс) исто така претставува посебна целина. Евеа е втор остров по големина во Грција и трета на истокот од Медитеранот.
До Евиа може да се стигне преку два модерни мостови поврзани со копнениот дел на Грција.
Евиа има прекрасни плажи, пријатна клима, многу термални извори и вкусна храна.
Се простира на површина од 3.580км2, крајбрежјето е долго 48км и има 220.000 жители.
 

Постојат уште неколку интересни острови кои не формираат група, но се богати со природни убавини, од кои се издвојуваат: островот Гавдос ( јужно од Крит), Елафонисос ( во заливот Лаконија) и Тризонис ( во Коринтскиот Залив)